Armend Zemaj flet ekskluzivisht për Gazetën InLajmi, për të arriturat e të munguarat e shtetit të Kosovës.
Ndër tjerash ai shpërfaq figurën më të fuqishme politike i cili sipas tij do të jetësonte synimet e qytetarëve në Kosovën e Pavarur.
InLajmi: 15 vjet histori e mbushur me ngjarje, ëndrra, synime, a është Kosova pranë apo shumë larg progresit të dëshiruar?
Armend Zemaj: Kosova gjithmonë arrin progres kur udhëhiqet nga një lidership i përgatitur mirë dhe që qëndron afër miqve të saj të përjetshëm.
InLajmi: Cili është mesazhi i juaj për politikbërësit në raport me fuqizimin e shtetit më të ri në botë?
Armend Zemaj: Shërbimi ndaj shtetit duhet të bëhet në mënyrë të vazhdueshme. Një pushtet i mirë punon për të mirën e shtetit pa qasje populiste.
InLajmi: Kush do të ishte sipas juve figura më e fuqishme politike që do të jetësonte synimet e qytetarëve?
Armend Zemaj: Pa asnjë dyshim është kryetari i LDK-së, Lumir Abdixhiku, i cili e ka edhe aftësinë e nevojshme, edhe nivelin intelektual, edhe kapacitetin udhëheqës, për t’i jetësuar synimet e domosdoshme të qytetarëve. /InLajmi/
