Për mensen e studentëve, masat, e ushqimin që sërvihet foli Drejtori i Mensës së Studentëve Fahri Osmani këtë javë në një intervistë ekskluzive për gazetën InLajmi.
InLajmi: Sa është numri i studentëve që ushqehen në Menzën e Studentëve e cila funksionon në kuadër të Qendrës së Studentëve?
Fahri Osmani: Numri i studenteve që ushqehen në Mensë ndryshon nga muaji në muaj. Të drejtë ushqimi në Mensë kanë të gjithë studentet, 4.000) që banojnë në Konvikte. Gjatë kësaj kohe për shkak të pushimit semestral numri i studenteve që janë ushqyer në Mensë është sjell rreth 3.000 student”
InLajmi: Ekziston mundësia që nëse studenti nuk ka arritur kuotën të jetë banorë në Qendrën e Studentëve, mund të ushqehet në mensën e studentëve, sa është numri i tyre që ushqehen në mensë por nuk janë banor në konvikte?
Fahri Osmani: Po ne planifikojmë që çdo vit të pranojmë një numër studentësh të ushqehen në Mense edhe pse nuk banojnë në Konvikte. Në kuadër të konkursit të rregullt të pranimit të studenteve në konvikte ne ju japim hapsire që edhe rreth 1.500 studente ti pranojmë në Mense.
InLajmi: A ka kërkesa për ndryshimin e menysë së ushqimeve në mensë?
Fahri Osmani: Menya ushqimore është mjaftë e pasur dhe i plotëson nevojat kalorike për të gjithë studentët që ushqehen në Mensë. Kjo meny përmban të gjitha llojet e gjellrave të shoqëruara me të gjitha llojet e mishrave, sallatave, pemëve, lëngjeve, ëmbëlsirave, jogurtit etj. Megjithatë kjo meny ndryshon nga viti në vit duke iu përshtatur edhe kërkesave të studentëve që kanë për lloje të caktuara të ushqimeve.
InLajmi: Sa studentë e frekuentojnë Mensen brenda ditës?
Fahri Osmani: Të gjithë studentët që bëjnë pagesat për tu ushqyer në Mensë pothujse edhe pjesa dërmuese e tyre e frekuenton Mensen. Megjithatë në vikend ky numër bie për shkak se studentët lëvizin drejt familjeve të tyre.
InLajmi: A keni hasur ndonjëherë në parregullsi, për shembull student që nuk kanë kryer pagesat dhe kanë tentuar të shfrytëzojnë menzën?
Fahri Osmani: Po që nga viti 2013 ne kemi digjitalizuar të gjitha shërbimet e studenteve në Qendër të Studentëve e në këtë kuadër edhe në Mensë i tërë procesi i marrjes së ushqimit është i digjitalizuar dhe kontrolluar. Ka tendenca të tilla por, janë shumë të rralla nga se sistemi nuk i lejon që të futen në vija të ushqimit për tu shërbyer me ushqim pa i kryer pagesat dhe rrjedhimisht mbushë kartelat digjitale e që mandej lejon hyrjen e studentit në vijat e shërbimit.
InLajmi: A kontrollohen ushqimet që hyjnë në depon e mensës, a kontrollohet Mensa e Studentëve nga Inspektorati Sanitar i Agjencisë së Veterinarisë dhe Ushqimit në Kosovë?
Fahri Osmani: Ne pranojm artikuj të ndryshëm ushqimor konform menysë. Këta artikuj pranohen nga zyrtarja e depos ushqimore dhe 3 anëtarëve të Inspeksionit të Brendshëm të Qendrës së Studentëve. Me rigorizitet kontrollohet afati i skadimit, sasia dhe cilësia e artikujve ushqimor. Këta artikuj ushqimor ruhen në depo ushqimore dhe frigodhoma që janë të kategorizuara në bazë të artikujve ushqimor. Ne vazhdimisht si institucion kontrollohemi nga Inspektoriati Sanitar i AVUK. Në bazë të strishove dhe mostrave të marra nga ana e inspektoreve sanitar, rezulton që gjendja e higjienës është në nivelin e duhur. Po ashtu ne bëjmë në mënyrë periodike edhe procesin e dezinfektimit, dezinsektimit dhe deratizimit të komplet hapësirës së kuzhinës dhe restoranit. Për informimin tuaj në çdo 6 muaj bëjmë edhe kontrollimin shëndetësor të të gjithë stafit të Mensës tek Instituti Kombëtar i Shëndetit Publik, ku i gjithë stafi pajiset me libreza sanitare. Arjanita Osmani /InLajmi/
