Zëdhënësi i Aleancës për Ardhmërinë e Kosovës Kushtrim Xhelili, ka kritikuar protestën për Asociacionin, duke thënë se qëllimi i kësaj proteste të mbajtur këtë të martë ishte tërheqja e vëmendjes nga skandali i Martin Berishës, përcjell InLajmi.
Xhelili protestuesit i quajti si “analfabetë” të Kurtit, të cilët kanë mbetur pa u rehatuar në kapjen e shtetit.
Sipas tij, mashtrimet e Kurtit tash shihen si të vërteta vetëm nga ata që janë të verbër ndaj realitetit.
Postimi i plotë i tij:
Protesta e VV-së nga analfabetët e Kurtit për ta tërhequr vëmendjen nga skandali i Martin Berishajt
Në shesh sot i pamë ata përkrahësit deluzional të Kurtit. Ata që kanë mbetë pa u rahatu në kapjen e shtetit. Me protestë pa e ditë arsyen e protestës, me gabime dhe ironikisht duke e përqafuar tezen e Kurtit se shqiptarët janë analfabetë, dolën analfabetët e Kurtit.
Kjo është një përpjekje e mjerë e Kurtit për ta tërhequr vëmendjen nga skandali i Martin Berishajt, me protestë koti në shesh. Kurti, ky udhëheqës i kapluar nga vetëdashnia e buzë greminës, vret të gjitha qëndrimet e veta.
Mashtrimet e Kurtit tash shihen si të vërteta vetëm nga ata që janë të verbër ndaj realitetit. /InLajmi/
