Njësistet e Doganës së Kosovës kanë arritur që të zbulojnë një bunker të fshehur me barna në një barnatore në Prishtinë, përcjell InLajmi.
Gjatë kontrollimit janë hasur barna të kontrabanduara në hapësirën e veçantë për fshehjen e mallrave të kontrabanduara.
Zyrtarë nga Dogana e Kosovës njoftojnë se medikamentet janë sekuestruar dhe ndaj pronarit janë iniciuar procedurat kundërvajtëse.
Postimi i plotë nga Dogana e Kosovës:
Zbulohet edhe një bunker për fshehjen e medikamenteve të kontrabanduara
Prishtinë 27 janar 2023 njësit e doganës sot kanë arritur që të zbulojnë një hapësirë të fshehur (bunker) në një barnatore në Prishtinë.
Pas pranimit të informatave përsëri përmes aplikacionit e-dogana lidhur me parregullsitë potenciale, zyrtarët Doganorë kanë organizuar një kontrolle në një barnatore në Prishtinë. Gjatë kontrollimit janë hasur në barna të kontrabanduara si dhe hapësirën e veçantë për fshehjen e mallrave të kontrabanduara.
Medikamentet janë sekuestruar dhe ndaj pronarit është iniciuar procedurat kundërvajtëse. Aplikacioni i lansuar nga dogana si dhe bashkëpunimi me qytetarët po jep rezultate çdo ditë, derisa dogana inkurajon qytetarët që të përcjellin informata pasi njësitet tona janë të gatshme për të verifikuar informatat.
Dogana e Kosovës ka aplikacionin eDogana për pajisjet e mençura android dhe ios, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi. /InLajmi/
