Në Kosovë pritet të mbajë mot plotësisht i vranët dhe i ftohtë. Herë pas here vende-vende priten reshje bore, ndërsa në vendet më të ulëta edhe ndonjë rigë shiu. Do të ketë edhe intervale të gjata pa reshje fare.
Temperaturat pritet të lëvizin nga -1 ajo minimale deri në 6 gradë Celsius ajo maksimale.
Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot plotësisht i vranët dhe me reshje të herëpashershme shiu e bore. Në lindje të Shqipërisë pritet të ketë borë, ndërsa në perëndim shi.
Reshje të herëpashershme bore paksa më intensive sonte dhe nesër priten në Maqedoninë Veriore, përpos disa zonave më të ulëta mbidetare ku priten riga shiu.
Të premtën në Kosovë vranët, ftohtë dhe me reshje më të shpeshta bore, ndërsa në viset tjera kryesisht vranët, ftohtë e me reshje sporadike, përpos veriut të Malit të Zi ku do të jetë dimër i vërtetë, shkruan Meteo Ballkan.
Gjatë fundjavës na pret mot mjaft i ftohtë, me erëra të ftohta nga veriu, ndërsa reshje të herëpashershme bore priten kryesisht në disa vise të Kosovës dhe Maqedonisë së Veriut
