Koreja e Veriut ka vendosur një bllokim 5 ditor në kryeqytetin Pyongyang për shkak të një “sëmundjeje të frymëmarrjes”. Kjo është masa e parë që zbatohet në të gjithë qytetin pasi vendi shpalli fitoren ndaj koronavirusit në gusht 2022.
Banorët e Phenianit janë urdhëruar të qëndrojnë në shtëpi nga sot deri të dielën dhe të masin temperaturën në mënyrë të vazhdueshme, sipas të dhënave qeveritare.
Në dokument nuk përmendet koronavirusi, por pretendohet se dizenteria është ndër sëmundjet e reja që po përhapen aktualisht në kryeqytet. Duke cituar burime në Phenian, banorët e qytetit më të madh të Koresë së Veriut do të karantinoheshin.
Gadishulli Korean aktualisht po përjeton atë që meteorologët po e përshkruajnë si një valë e ftohtë siberiane, me temperaturat në Phenian që kanë shënuar -22 gradë Celsius.
Pheniani njoftoi rastin e parë me koronavirus në maj 2022, përpara se të shpallte fitoren mbi sëmundjen 3 muaj më vonë. Organizata Botërore e Shëndetësisë ka kundërshtuar prej kohësh statistikat e koronavirus të Phenianit dhe pretendimet e vendit se epidemia është nën kontroll, përcjell arbresh.info.
Pheniani nuk i ka vaksinuar rreth 25 milionë banorët e tij. Sipas informacioneve të tjera, vendi raportohet se ka marrë vaksina nga Kina.
