Boksieri shqiptar, Robin Krasniqi do të rikthehet në ring, më 25 shkurt.
Krasniqi ka bërë të ditur kundërshtarin, i cili do të jetë numri një i Belgjikës Timur Nikarkoev.
“Jam shumë i lumtur të ju informoj, se me datë 25 Shkurt 2023 do të rikthehem në ring në arenën madhështore “Audi dome” të qytetit gjerman Munich. Kundërshtari im do të jetë nr.1 i Belgjikës, Timur Nikarkhoev. Së bashku me mua në atë mbrëmje do të boksojnë edhe shumë boksier shqiptar, ka thënë Krasniqi.
Ai ka potencuar se mezi pret për të shënuar fitoren, teksa përmend padrejtësin që i është bërë sipas tij, në duelin e fundit kundër gjermnait Dominic Boesel, shkruan Sinjali.
“Me padurim po e pres këtë mbrëmje, për të shënuar fitoren e radhës dhe për të ju gëzuar juve të gjithve, sepse mbështetja që me keni dhënë ju miqt dhe tifozët e mij të dashur, pas padrejtësisë që më është bërë në duelin tim të fundit ka qenë e papërshkrueshme”.
