15 shtëpi janë në ujë në Obot të Shkodrës, pas reshjeve të dendura të shiut të ditëve të fundit.
Aktualisht janë 1.400 hektarë tokë e përmbytur, ndërsa ujësjellësi Oblika një është jashtë funksionit.
Rruga e Obotit ka prezencë uji 65 cm, ka rënie me 15cm me orën 18.00 të një dite më parë.
Në vendin e quajtur Urrelat e Shirqit, rruga Shirq-Darragjat ka prezencë uji në rrugë 30 cm, për momentin rruga është e pakalueshme me mjete, edhe pse ka rënie të nivelit prej 40 cm.
Niveli i lumit Drin shënon kuotën 5.85, ka rënie me 45 cm, në krahasim me një ditë më parë, ndërsa kuota maksimale është 7.50 m, shkruan Top Channel.
Niveli i Liqenit shënon 8.40 m, ndërsa ka rënie prej 10 cm, në krahasim me një ditë më parë, ndërsa kuota maksimale është 8.70 m.
