Kompania Rajonale e Ujësjellësit “Prishtina” ka njoftuar se për shkak të trubullirës së ujit që kanë shkaktuar reshjet e dendura në afërsi të liqenit të Ujmanit do të ketë çrregullime të furnizimit me ujë, përcjell InLajmi.
Sipas tyre, impianti i ujit në Shkabaj dhe Drenas nuk ka mundësi teknike për trajtimin e ujit për pije.
Çrregullime të furnizimit me ujë do ketë në Fushë Kosovë, Drenas, Zonën Industriale dhe lagjet Kalabria, Kodra e Trimave dhe të gjitha zonat që furnizohen me ujë nga rezervuari i Mirëditës si: lagjja e Muhaxhirëve, lagjja Dodona, Taslixhe, Aktash, Bregu i Diellit dhe të gjitha zonat e Matit.
Nga Kompania e Ujësjellësit njoftojnë se kjo gjendje do të vazhdojë deri në përmirësimin e situatës me turbullira na kanal.
Postimi i plotë nga Kompania e Ujësjellësit “Prishtina”:
Prishtinë, 20 janar – Të nderuar konsumatorë ju njoftojmë se si shkak i reshjeve të dendura atmosferike në afërsi dhe rreth liqenit të Ujmanit kemi ngritje të turbullirës së ujit në kanalin e Ibrit Lepencit.
Impianti i Trajtimit të ujit në Shkabaj dhe Drenas, nuk kanë mundësi teknike të trajtojnë ujin për pije.
Për shkak të gjendjes alarmante me vërshime dhe turbullirë të ujit në kanalin e Ibër Lepencit, përveq Fushë Kosovës, Drenasit, Zonës Industriale dhe lagjes Kalabria në Prishtinë, çrregullime në sistemin e furnizimit me ujë sot do të kenë edhe : lagjja “ Kodra e Trimave” dhe të gjitha zonat që furnizohen me ujë nga rezervuari i Mirëditës si : lagjja e Muhaxhirëve, lagjja Dodona, Taslixhe, Aktash, Bregu i Diellit dhe të gjitha zonat e Matit.
Një situatë e tillë vazhdon deri në përmirësimin e situatës me turbullirë në kanal.
Mbeteni të njoftuar , deri në vendimin e radhës, varësisht nga situata me vërshime dhe reshje atmosferike!
Kërkojmë mirëkuptim! /InLajmi/
