Ministria e Shëndetësisë ka njoftuar se është në gjendje gatishmërie për të reaguar në çdo kohë pas reshjeve atmosferike të cilat shkaktuan vërshime në pjesë të ndryshme të vendit, përcjell InLajmi.
Nga ministria treguan se të gjitha ekipet emergjente janë në gjendje gatishmërie dhe se janë në kontakt të vazhdueshëm me drejtoritë shëndetësore komunale.
Më tej kjo ministri kërkoi qytetarët që të kenë kujdes të shtuar.
Njoftimi i plotë i Ministrisë së Shëndetësisë:
Ministria e Shëndetësisë në gjendje gatishmërie, luten qytetarët për kujdes të shtuar
Prishtinë, 19 janar 2023
Ministria e Shëndetësisë është në gjendje gatishmërie për të reaguar në çdo kohë pas reshjeve atmosferike të cilat shkaktuan vërshime në pjesë të ndryshme të vendit.
Të gjitha ekipet emergjente janë në gjendje gatishmërie dhe jemi në kontakt të vazhdueshëm me drejtoritë shëndetësore komunale dhe spitalet rajonale.
Ministria e Shëndetësisë lut qytetarët që të kenë kujdes të shtuar, të kenë kujdes me lëvizjet e tyre dhe të shmangin veçanërisht kalimet rrugore me prezencë të ujit. /InLajmi/
