Deputetët e Aleancës për Ardhmërinë e Kosovës, Besnik Tahiri dhe Albana Bytyqi kanë mbajtur një konferencë për media ku në emër të partisë kanë shprehur shqetësimin lidhur me Trustin, raporton InLajmi.
Bytyqi është shprehur se sipas informatave brenda Kuvendit të Kosovës, deputetët e Lëvizjes Vetëvendosje do jenë ata që nuk do ta mbështesin këtë nismë, e si rrjedhojë kjo kërkesë e qytetarëve ka pak gjasa që të jetësohet.
Kurse ajo iu ka bërë thirrje deputetëve që ta mbështesin këtë kërkesë.
“Kemi informacione që Trusti nuk kalon dhe ajo që është më e rëndësishme që po iu bëjmë thirrje publike sidomos mazhorancës ta përkrah Trustin. Ajo që është më e rëndësishme është se dje kanë votuar kundër Kushtetutës e sot po votojnë kundër qytetarëve të Kosovës. Opozita është pro Trustit dhe ne po e shohim që mazhoranca kanë dalë me deklaratë që janë kundër”, tha Bytyqi.
Kujtojmë se në seancën e së enjtes Kuvendi i Kosovës pritet të votoj për tërheqjen e trusit nga qytetarët si masë e tejkalimit të situatës së rënduar ekonomike./InLajmi/
