Deputetja e Listës Guxo, Jeta Statovci, ka folur në lidhje me Projektligjin për Sigurinë e Përgjithshme të Produkteve i cili ka për qëllim të përcaktojë kriteret e sigurisë të cilat duhet të përmbushin produktet që janë vënë në dispozicion të tregut, raporton InLajmi.
Ajo tha se ky projektligj do iu siguroj produkteve vendosje të sigurta që i bie që çdo produkt do jetë i sigurt, duke parandaluar prodhimin, importim dhe vendosjen në treg të produkteve mashtruese, si dhe eksportin e tyre
“Me miratimin e këtij projektligji krijohet një bazë ligjore funksionale dhe lehtë të implementueshme për sigurinë e përgjithshme të produkteve duke siguruar një nivel të lartë të mbrojtjes së shëndetit dhe sigurisë së konsumatorëve që përdorin produktet, si dhe përdoruesve të tjerë që i përdorin produktet për nevojat e tyre në kryerjen e veprimtarive të tyre profesionale. Do të sigurohet vendosja në treg të produkteve ekskluzivisht të sigurta dhe do të parandalojë prodhimin, importim dhe vendosjen në treg të produkteve mashtruese, si dhe eksportin e tyre. Është për tu theksuar se miratimi i këtij projektligji nuk parasheh implikime buxhetore shtesë nga Buxheti i Republikës së Kosovës”, tha ajo./InLajmi/
