Seanca e radhës për ish-krerët e Ushtrisë Çlirimtare të Kosovës do të mbahet me 17 Shkurt, e për këtë reagoi lideri i Partisë Sociasl Demokrate, Dardan Molliqaj, përcjell InLajmi.
Lideri i PSD-së deklaroi se këtë vit nuk kanë festë qytetarët kjo pasi çlirimtarët po gjykohen në këtë ditë.
Sipas Molliqajt Gjykata Speciale nuk e njeh historinë e Kosovës dhe është indiferente ndaj saj.
Postimi i plotë i tij:
Në Ditën e Pavarësisë gjykohet UÇK-ja
Dita e gjykimit të historisë dhe përpjekja jonë çlirimtare po përputhet ironikisht edhe me kalendarin e Gjykatës Speciale. Bash ditë gjykimi, për ata që mbahen peng dhe për ne si shoqëri që deshëm çlirimin.
Kjo gjykatë nuk e njeh historinë e Kosovës. Është indiferente ndaj saj. 17 shkurti për këtë trupë gjykuese është veç një ditë tjetër pune, jo etike në karrierën e tyre personale.
Ndërsa ata që po gjykohen politikisht dhe padrejtësisht ishin luftëtarët e vyer të çlirimit që kulmoi me shpalljen e pavarësisë së Republikës së Kosovës.
17 shkurti po merr shumë kuptime. Kësaj radhe nuk kemi festë. Kjo datë thërret për reagimin e secilit. Ata mbrojtën vendin, ne duhet t’i mbrojmë ata edhe me këtë datë. /InLajmi/
