Lideri i Aleancës për Ardhmerinë e Kosovës, Ramush Haradinaj njoftoi se këtë të premte në Pejë takoi bashkëluftëtarëve nga Batalioni i Parë Sulmues i Zonës Operative të Dukagjinit, përcjell InLajmi.
Kryetari i AAK-së tha se ashtu siç e kishte nderin t’i ketë përkrah gjatë luftës, edhe sot iu bashkua atyre në këtë takim.
Më tej Haradinaj shtoi se po ndihet sikur në ditët e lavdisë, ato të UÇK-së.
Postimi i plotë i tij:
Batalioni i Parë Sulmues i Zonës Operative të Dukagjinit, kreu detyrën me profesionalizëm e trimëri. Siç kisha nderin t’i kam përkrah gjatë Luftës Çlirimtare, sot u bashkova me ta dhe komandantin Bujar Ukimeraj.
Evokuam kujtime, nderuam ata që ranë në krye të detyrës, që shqiptarët të kenë liri, heronjtë Fadil Nimani udhëheqës i Batalionit, Jusuf Kelmendi e Ahmet Gjikolli, luftëtarë të orëve të para.
Në Pejë sot, me këta trima përkrah, e ndjeva veten sikur në ditët e lavdisë, ditët e Ushtrisë Çlirimtare të Kosovës. /InLajmi/
