Artikull i mediumit slloven për aferën milionëshe, ku sipas këtij mediumit ishte i përfshirë edhe kryeministri Kurti nxiti reagime të shumta, përcjell InLajmi.
Ndërsa për këtë çështje reagoi edhe zëdhënësi i Qeverisë së Kosovës, Përparim Kryeziu ku i quajti të pavërteta këto deklarata.
Kryeziu tha se trajtimi nga partitë opozitare një “lajmi” të tillë si temë nacionale, është më së paku shterpësi opozitare.
Reagimi i plotë i Kryeziut:
Luka Pers, njëri ndër themeluesit e portalit Prava, është një pseudogazetar që ka punuar deri vonë për Nova24TV, organizatë lajmesh e ekstremit të djathtë. Portali është aq i parëndësishëm sa që mezi e gjen online. Shpërndarja e këtij “lajmi” nga një portal aq i dyshimtë në disa prej portaleve tona, pa ndonjë verifikim të historikut të Prava dhe profilit të Luka Pers, është në rastin më të mirë jo profesionale dhe jo etike. Sidomos kur dihet se në vitin 2021, llogaria e Luka Pers në Tëitter është suspenduar pikërisht për shkak të shpërndarjes së lajmeve të rreme. E trajtimi nga partitë opozitare i një “lajmi” të tillë si temë nacionale, është më së paku shterpërsi opozitare.
Dhe për fund, pretendimet e një portali të themeluar nga një pseudogazetar që ka punuar në një organizatë lajmesh të ekstremit të djathtë, llogaria në Twitter i të cilët është suspenduar për shkak të shpërndarjes së lajmeve të rreme, patjetër se janë të pavërteta. /InLajmi/
