Ushtruesi i detyrës së kryetarit të OVL të UÇK-së, Faton Klinaku ka shprehur keqardhje për ngjarjen e ndodhur të premten e 6 janarit në Shtërpcë, përcjell InLajmi.
Klinaku u është drejtuar politikanëve, zyrtarëve, shoqërisë civile etj, duke i pyetur se a i kan mbaruar vajtimet dhe gjykimet e tyre, duke i’a kujtuar kohën kur është mbytur shqiptari në burg të Serbisë dhe nuk kanë reaguar.
Ai gjithashtu e ka përmendur kohën e barrikadave në veri të cilat tha se politikanët i cilësonin si protestues paqësor, akti në Shtërpcë sipas tij duhet të zbardhet dhe pastaj të shpallet fajtori dhe të kuptohen rrethanat e ngjarjes.
Kërkoj drejtësi pa anime politike e të plagosurve ju uroj shërim të shpejtë, shtoi Klinaku.
Postimi i plotë i tij:
A vajtuat mjaft o të mjerë politikanë e zyrtarë, shoqëri civile etj, vendor e ndërkombëtar, duke e bërë gjykimin ju!
Interesant nga ju, nuk e folët asnjë fjalë për atë shqiptarin që e mbytën në burg të Serbisë, e bash për atë është dashur të merret politika e shtetit tonë dhe ndërkombëtarët, për t’i dërguar Serbisë edhe notë proteste.
I quajtët edhe barrikadat me njerëz të armatosur në veri se janë protestues protestues paqësor.
Me rastin në Shtërpcë natyrisht që merret shteti me organet e drejtësisë, që të zbardhet e vërteta se a i është zënë rruga pjesëtarit të FSK-së apo jo, se a e ka bërë aktin në vetëmbrojtje apo jo, dhe fajtori shpallet vetëm kur gjyqësia e shkallës së prerë e konstaton atë.
Shpreh keqardhje për atë që ndodhi në Shtërpcë, kërkoj drejtësi pa anime politike e të plagosurve ju dëshiroj shërim të shpejtë.
Poshtë standardet e dyfishta./InLajmi/
