Klubi i basketbollit Prishtina ka zyrtarizuar trajnerin e njohur turk, Ahmet Kandemir si trajner të ri të klubit.
Kandemir ishte edhe më herët pjesë e Prishtinës, ku në vitin 2013 kishte fituar Kupën e Kosovës.
Sipas klubit, Kandemir është rikthyer me ambicie të reja në kryqytet.
“Trajneri i mirënjohur turk Ahmet Kandemir rikthehet në kryeqytet, tani me ambicie të reja dhe energji të freskëta. Nën drejtimin e tij kemi fituar njërin nga trofetë më të rëndësishëm në historinë e klubit, Kupën e Kosovës në Prizren në vitin 2013”, thuhet në njoftimin e klubit, shkruan IndeksOnline.
Kandemir ka drejtuar klubet e njohura turke: Beshiktash JK, Pınar Karshıyaka, Mersin BB, Antalya BB.
