Danimarka, për herë të parë në historinë e saj moderne, regjistroi një vit, 2022, që përfundoi pak ditë më parë, pa një grabitje banke.
Në vitin 2000, vendi paqësor regjistroi 221 grabitje të armatosura ndaj institucioneve bankare, ose rreth 2 çdo 3 ditë.
Por me heqjen e parave të gatshme në shumicën e degëve të bankave, ka pasur më pak se 10 grabitje në vit që nga viti 2017. Në vitin 2022, asnjë nuk u regjistrua, një ngjarje e paprecedentë sipas një historiani bankar.
“Është thjesht fantastike. Sepse është një barrë absolutisht e madhe për punonjësit e përfshirë kur kjo ndodh”, tha Steen Lund Olsen, nënkryetare e organizatës kryesore bankare të Danimarkës, Finansforbundet.
“Nuk mund të masim shkallën e ndikimit emocional të një grabitjeje, për sa kohë që nuk e kemi përjetuar vetë”, theksoi bankierja, transmeton abcnews.al
Në një shoqëri gjithnjë e më pa para, banka kryesore e Danimarkës, Danske Bank, ka vetëm 2 degë bankare, një në Kopenhagë dhe tjetra në Aarhus, qyteti i 2-të më i madh i vendit, sipas Finansforbundet.
