Deputeti nga Lëvizja Vetëvendosje, Haki Abazi, ka reaguar sa i përket gjendjes në të cilën është Kosova, përcjell InLajmi.
Abazi tha se situata në Kosovë është jo e mirë, sepse sipas tij, edhe pas 23 vjetësh pas luftës, mungojnë kushtet elementare për Policinë, siç është sigurimi shëndetësor.
Ai e ka cekur edhe Krushën e Vogël ku tha se ende nuk është përfunduar kulmi në shtëpinë e djegur, dhe se sipas tij Krushianët janë krenarë dhe nuk bëjnë fushatë duke pritur që së paku të mos blihen produktet nga ata që u vranë baballarët dhe vëllezërit.
Abazi ka theksuar se situata në Kosovë është jo e mirë edhe për punëtorët e sektorit privat, ku e ka përmendur rastin tek një pompë benzini të cilët thanë se ka vonesa të rrogave dhe se ka ditë që janë duke punuar edhe vikendeve.
Postimi i plotë i tij:
Një burek më shumë për policin, Ju lutem, me një burek në… u ndjeva keq, vështirë ta shikoja në sy. Pensionin jetësor? Sigurisht që duhet kuptuar policin që nuk arreston me urdhër arresti nga gjykata…
23 vite pas lufte Krusha e Vogël ende nuk e ka kulmin e kryer në shtëpinë e djegur. Po Krushianet janë krenare, nuk bëjnë fushatë. Ato presin që së paku të mos blihen produkte nga ata që u vranë baballarët dhe vllezërit.
Tek pompa e benzinës punëtori me 2 duart në dritarën e makinës: rrogat me vonëse kanë ardhë, mbi 20 ditë vonesë, të shtunën punojmë, shpesh të dielave. A mundesh të lutem me ngritë këtë çështje, te lutem se na është lodhë shpirti!
Prrocka e Prishtinës që vajton e në pritje të dorës së shërbyesit publik, mbrojtjes dhe kujdesit njerëzor!/InLajmi
