Pavarësisht nëse e vendosni pemën tuaj të Krishtlindjes një ditë pas Ditës së Falënderimeve ose në prag të Krishtlindjes, e vërteta e trishtë është se në fund të festave pema sipas traditës duhet të hiqet. Pyetja është, kur saktësisht duhet ta hiqni pemën tuaj të Krishtlindjes? Disa njerëz duan të shijojnë sa më gjatë shfaqjen e tyre festive, ndërsa të tjerë fillojnë të heqin zbukurimet një ditë pas Krishtlindjes.
Kjo traditë daton që nga shekulli i IV, ku shumë të krishterë kanë shënuar fundin e sezonit të Krishtlindjeve në Natën e 12 (ose 12 netë pas Krishtlindjes). Kjo mbrëmje gjithashtu njihet si vigjilja e Epifanisë.
Epifania shënon ditën kur 3 Mbretërit vizituan foshnjën Jezus dhe festohet ose më 5 janar ose 6 janar. Megjithëse grupet e krishtera thuhet se nuk pajtohen se cila datë është e saktë, tradita dikton se Nata e 12 është koha më e mirë për të hequr pemën tuaj. Besohet se lënia shumë gjatë pas Natës së 12 do të sjellë fat të keq.
Origjina e Krishtlindjes, përtej shpirtit festiv e ka bazën tek tradita. Një nga simbolet kryesore të saj është bredhi, që si traditë, vendoset në 6 dhjetor, por a e keni pyetur ndonjëherë veten pse vendosim një pemë Krishtlindjesh? shkruan Living.al
Çdo dimër, familjet në të gjithë botën zbukurojnë një pemë, për t’a quajtur vigjiljen e festave zyrtarisht të hapur. Ajo zbukurohet me drita nga më të ndryshmet, zbukurime si topa me ngjyra, yje, e të tjera. Dhe bredhi është nëpër botë një simbol i Krishtlindjes.
