LeBron James është si vera, sa më i vjetër aq më i mirë dhe me paraqitje më spektakolare.
Ylli amerikan ka bërë një nga paraqitjet më të mira këtë edicion për ta rikthyer skuadrën e tij Los Angeles Lakers te fitorja ndaj Atlanta Hawks.
Lakers kanë marrë një fitore të madhe në udhëtim te Hawks me 9 pikë diferencë 121:130, edhe pse vendasit kishin epërsinë më të lartë gjatë ndeshjes që shkoi deri në 15 pikë.
James bëri një nga ndeshjet më të mira dhe vetëm për një asistim nuk arriti shifrën magjike ‘triple-double’, pasi e mbylli këtë duel me 47 pikë, 10 kërcime e 9 asistime.
Me lojë të mirë tek fituesit u dallua edhe qendra Bryant me 19 pikë e 17 kërcime, derisa Russell Westbrook shtoi 14 pikë e 11 asistime, shkruan Telegrafi.
Tek vendasit më i miri në këtë duel ishte Trae Young me 29 pikë e tetë asistime, por që nuk mjaftuan për fitore.
