Ministi i Shëndetësisë, Arben Vitia shpërndau dhurata për fëmijët që janë në trajtim në Klinikën e Pediatrisë dhe atë të Kirurgjisë së Fëmijëve në Qendrën Klinike Universitare të Kosovës, përcjell InLajmi.
Kjo u bë e ditur nga Shërbimi Spitalor Klinik dhe Universitar të cilët njoftuan se ministri Vitia në prag të Vitit të Ri shpërndau dhurata për fëmijët që po trajtohen në klinikat e lartcekura.
Vitia uroi shërim të shpejtë për gjithë fëmijët dhe theksoi se do të angazhohet maksimalisht për sigurimin e barnave dhe materialeve shpenzuese për nevojat e të gjitha klinikat në mënyrë që pacientët të trajtohen dinjitetshëm e me profesionalizëm.
Njoftimi i plotë i tyre:
Ministri i Shëndetësisë, Dr. Arben Vitia dhe zëvendësministrja, Dr. Dafina Gexha- Bunjaku, kanë vizituar Klinikën e Pediatrisë dhe atë të Kirurgjisë së Fëmijëve në Qendrën Klinike Universitare të Kosovës, duke shpërndarë dhurata për fëmijët e shtrirë për spitalizim në kuadër të Repartit të Hemato- Onkologjisë dhe repartet e Klinikës së Kirurgjisë së Fëmijëve.
Gjatë vizitës në këto klinika, ministri shoqërohej nga Kryesuesja e Bordit, Dr. Aida Rexhepi dhe u.d. drejtoresha e përgjithshme, Dr. Pranvera Zejnullahu Raçi.
Gjatë bashkëbisedimit me fëmijët dhe prindërit e tyre, ministri uroi shërim të shpejt për ta, përderisa theksoi angazhimin maskimal për furnizim me barna dhe material shpenzues dhe përkujdesje maksimale institucionale. /InLajmi/
