Disa kamionë me të cilët ishte bllokuar rruga në lokacionin e njohur si Shkëmbi i Dudës në Mitrovicë të Veriut janë djegur gjatë natës.
Ekipi i Radios Evropa e Lirë është në vendin e ngjarjes dhe sjellë këto fotografi të kamionëve të djegur. Deri më tani nuk ka ndonjë informacion zyrtar për djegin e tyre.
REL ka kontaktuar Policinë e Kosovës mirëpo ende nuk ka marrë ndonjë përgjigje.
Këta kamionë ishin vendosur në këtë vend më 27 dhjetor, kur grupe të serbëve vendosën barrikada të reja në rrugët e veriut duke bllokuar rrugë magjistrale Prishtinë – Rashkë.
