Pasi Gjykata Themelore në Prishtinë ka shpallur aktgjykim lirues ndaj ish-aktivisteve të Lëvizjes Vetëvendosje gjatë të martës reagoi kryeministri Kurti, i cili tha se “Astrit Dehari, është marrë në burg për këtë akuzë dhe kur sot kjo akuzë bjen tërësisht, ai më nuk gjendet në mesin tonë, përcjell InLajmi.
Në lidhje me këtë deklaratë reagoi nënkryetari i PSD-së, Frashër Krasniqi i cili e akuzoi Kurtin se nuk e ka përmend arrestimin e padrejtë të Astrit Deharin deri kur ai vdiq në burg.
Krasniqi shtoi se Kurti nuk i ka vizituar 2 muaj në burg deri në fushatën zgjedhore, sepse sipas tij veç atëherë ke pa mundësi që Kurti me e instrumentalizu këtë rast.
Postimi i plotë i tij:
Ti, Albin Kurti, s’ki të drejtë me folë sot!
Ti s’ke folë për arrestimin tonë, deri kur ka ardhë fushata zgjedhore – sepse veç atëherë ke pa mundësi me e instrumentalizu këtë rast. 2 muaj prej arrestimit nuk na ke vizitu në arrest e në burg. Deri kur erdhi fushata dhe pe vota nga rasti ynë.
Ti s’e ke përmend arrestimin e padrejtë të Astrit Deharin deri kur ai vdiq në burg. 2 muaj pas arrestimit. Fole për vdekjen e tij veç pasi t’u bë e përdorshme elektoralisht.
Ti je përgjegjës për mossbardhjen e vdekjes së tij, tash e 2 vite prej që je n’pushtet.
Ti s’ke shkrujtë asnjëherë postim për rastin kundër nesh. Sot po shkruan sepse ki interes me e përdorë hala.
Ti s’ke të drejtë me folë këtë të martë për këtë rast! /InLajmi/
