Gjatë natës nuk janë raportuar incidente në veri të vendit dhe aktualisht gjendja është e qetë.
Kështu thotë drejtori i Policisë së Kosovës për rajonin e Mitrovicës së Veriut, Besim Hoti.
Në këtë komunë, e banuar me shumicë serbe, mbrëmjen e 9 dhjetorit, tek lagjja Tri Rrokaqiejt, janë dëgjuar shpërthime.
Hoti tha se kjo ka ndodhur me mjet shpërthyes piroteknik, dhe se nuk ka pasur dëme, shkruan REL.
Ndryshe, më herët Shtetet e Bashkuara dënuan incidentet e dhunshme në veri të Kosovës dhe kërkuan nga Prishtina dhe Beogradi që të shmangin deklaratat që mund të përshkallëzojnë më tej tensionet.
