Në programin “Mëngjesi më Arben Ahmetin” në një lidhje të drejtpërdrejt me nënkryetarin e
Prishtinës, Alban Zogaj tregohen arsyet e kolonave të shumta që po ndodhin kohën e fundit në kryeqytet.
Nënkryetari i Prishtinës ka thënë se arsyja e kolonave të shumta është nga ndryshimi i motit ku sipas kësaj qytetarët e frekuentojnë qytetin më shumë me vetura dhe transport publik.
Sipas tij një ndër arsyet e këtyre kolonave është edhe bllokimi i rrugës “Xhorxh Bush”.
“Me ardhjen e diasporës pritet që komunikacioni në kryeqytet të jetë edhe më i bllokuar dhe me ngarkesa më të mëdha”, tha ai, përcjell Gazeta 10.
E sipas tij nga mbyllja e rrugës “Xhorxh Bush” pritet të zgjerohet sheshi i Prishtinës deri te Katedralja e qytetit për festat e fundvitit.
