Punishtja e shtëpisë së Luigi Linerit është e mbuluar me gurë, ai ka koleksionuar mijëra prej tyre, transmeton InLajmi.
Ato ngjajnë me kokat e kafshëve, fytyrat e njeriut dhe forma të tjera, dhe artisti dhe poeti beson se mund të jenë formuar nga njerëzit parahistorikë.
Lineri ka ndërtuar koleksionin e tij të madh gjatë 50 viteve të fundit, duke i bërë gjetjet e tij përgjatë lumit Adige, afër Veronës në Italinë veriore.
“Nuk i kam numëruar dhe nuk kam ndërmend ta bëj, por sasia është e konsiderueshme”, tha Lineri.
“Në fillim mendova se do të mjaftonin disa gurë për çdo formë të ndryshme dhe më pas kuptova se në mijëra të tyre, japin një ndjenjë komuniteti… Për mua sasia është e shenjtë: duhet shumë për të ndërtuar një katedrale. ”
Lineri thotë se nuk ka pasur një verifikim të pavarur nëse gurët janë vërtet skulpturë parahistorike dhe nuk e ka kërkuar një të tillë, duke u interesuar më shumë për ta si “vepër arti”.
“Kur e gjeta një dhe e mora, më pushtoi emocioni – kush ishte ky, si jetonte, çfarë po mendonte kur e bëri këtë gjë të bukur. Gjithçka filloi atëherë dhe unë fillova të lexoj dhe të mësoj për njerëzimin parahistorik.”
“Unë nuk bëj asnjë ndryshim (në gurët), ata janë të gjithë autentikë,” tha ai. “Dikush më tha se isha i fiksuar, por nëse jam, është për të kuptuar më mirë mendjen e njeriut primitiv.”, shkruan Insider.
Ndër format e ekspozuara janë kokat e peshkut, qenve dhe deleve dhe format e trupit të femrës. Vizitorët kanë ardhur për të parë koleksionin dhe ai gjithashtu ka ekspozuar disa prej tij. /InLajmi/
