Lideri i Partisë Demokrate të Shqipërisë, Sali Berisha, ka reaguar lidhur me festimet që po bëhen në Shqipëri, për nder të ditës së çlirimit, përcjell InLajmi.
Ai krahas një videoje të postuar nga këto festime shkruajti edhe se njerëzit po festojnë nën kujdesin e qeverisë me portretet e Enver Hoxhës, që sipas tij konsiderohet si Hitleri i pasluftës.
Gjithashtu, Berisha tha se Enver Hoxha konsiderohet edhe si babai shpirtëror i Edi Ramës, ku për këtë të fundit tha se është kryexhelati i kombit shqiptar dhe kryetradhëtari i Kosovës.
Postimi i plotë i tij:
Festojnë nën kujdesin e qeverisë me portretet e Enver Hoxhës, Hitlerit shqiptar të pasluftës, babait shpirtëror të Edi Ramës, kryexhelatit të kombit shqiptar në Shqipëri dhe kryetradhëtarit të Kosovës! #sb /InLajmi/
