Aleanca e Atlantikut ka uruar Shqipërinë për 110 vjetorin e Pavarësisë dhe Ditën e Flamurit, përcjell InLajmi.
NATO me urimin për të festuar së bashku ka zgjedhur një foto të ushtrisë shqiptare dhe flamurin tonë kombëtar.
“Bashkohuni me ne për të festuar me aleatin tonë Shqipërinë, në Ditën e tyre të Pavarësisë”, thuhet në urimin e NATO-s.
Një urim për këtë përvjetor të shpalljes së Shqipërisë shtet të pavarur dhe sovran, vjen dhe nga KFOR, anëtare e së cilit formacion ushtarak është edhe Shqipëria.
“Gëzuar Ditën e Pavarësisë për Shqipërinë, aleatin dhe mikun tonë. Shqipëria është anëtare e NATO-s që nga viti 2009 dhe kontribuon me më shumë se 50 ushtarë në misionin e KFOR-it”, thuhet në urimin e kFOR-it
Urime për 110 vjetorin e Pavarësisë së Shqipërisë u bënë nga shumë lider ndërkombëtar, e i veçantë ishte edhe urimi i Sekretarit të Shtetit Amerikan Antony Blinken.
28 Nëntori për të gjithë shqiptarët kudo ndodhen njihet si Dita e Flamurit. Akti i Shpalljes së Pavarësisë përbën një nga ngjarjet më të rëndësishme në historinë e popullit shqiptar./InLajmi/
