Ish-presidenti i Republikës së Shqipërisë, Ilir Meta, ditën e dielë teksa ka vizituar Panairin e Librit në Tiranë tha se interesimi i lexuesve është rritur dukshëm, përcjell InLajmi.
Meta potencoi se këtë vit numri i vizitorëve është rritur dhe kjo është shenjë e mirë, sepse përmes librit formohen qytetarë të denjë për vendin dhe njerëz të demokracisë.
Postimi i plotë i tij:
Kënaqësi të vizitoja sot Panairin e Librit dhe të shikoja pjesëmarrjen masive dhe interesin në rritje të qytetarëve për librin.
Mirënjohje krijuesve dhe drejtuesve të shtëpive botuese, që pavarësisht vështirësive këtë vit mundësuan mijëra tituj librash për lexuesin shqiptar.
Libri është një mik i çmuar dhe i pazëvendësueshëm, pavarësisht zhvillimit të vrullshëm teknologjik.
Më shumë përpjekje dhe më shumë mbështetje për inkurajimin e leximit të librit, sidomos për fëmijët dhe të rinjtë, sepse përmes librit formojmë qytetarë të denjë për vendin dhe garant të demokracisë. /InLajmi/
