Minstria e Kulturës, Rinisë dhe Sportit ka bërë ndarjen e çmimeve vjetore të konkursit për dramë origjinale shqipe ‘’Katarina Josipi’’, raporton InLajmi.
Ministri i Kulturës, Rinisë dhe Sportit,Hajrulla Çeku me përjashtim të vendit të parë ka bërë ndarjen e vendit të 2-të dhe të 3-të.
Gjithashtu Kryetari i Jurisë, Shpëtim Selmani, ka arsyetuar vendimin për mos ndarjen e çmimit të parë ku tha se veprat kanë pasur probleme të teknikës së shkrimit, duke i eliminuar 8 vepra dhe duke vazhduar vetëm me 9 vepra.
Autori Zyber Kelmendi fitues i vendit të 2-të me dramën ‘’Pastaj lindën legjendat’’ tha se do të dëshironte ta bënte urimin për vendin e parë por në mungesë të këtij vendit ai i uroj jurisë ngaqë sipas tij ketë vend e kanë liruar për veten.
‘’Urime jurisë, të them të drejtën para se ta konfirmoja autorsinë e tekstit ‘’Pastaj lindën legjendat’’, kishte nga ata miq që me thanë që mos ta pranojë çmimin, sepse është ofenduese të jesh i pari dhe të vlerësohesh i 2-ti, por në të njëjtën kohë kishte nga ata që me thanë që ta pranojë çmimin e mos të merrem me ketë punë, të 2-ja palët kishin të drejtë, por unë zgjodha të 3-tën duke e pranuar çmimin”, tha Kelmendi
Gjithashtu edhe autori Osman Goranci fitues i vendit të 3-të me dramën ‘’Jeto tani për mua’’ fjalimin e tij e ka filluar duke e shprehur admirimin e tij sa i përket teatrit ku tha se ai ka bërë pjesë në ngjarje teatrore në mesin tyre janë luajtur në skenat e teatrove 11 komedi dhe drama dhe ka cekur se ka zënë vendin e parë në vitin 2019 në ‘’Katerina Josipi’’, ai tha se arsyeja e konkurrimit në këtë vit nuk është vendi i parë sepse mund të ndodhë të mos marrim vend fare por rëndesi ka pjesëmarrja.
Dramaturgu Goranci i është drejtuar ministrit Çeku që të marrin një vendim që së paku 50% e repertuarit të teatrove në Kosovë të kenë autorë dramaturg shqiptar. /InLajmi/
