17 tetor 1448 – Ushtria osmane mposhti ushtrinë kryqtare, e cila formohej kryesisht nga hungarezët, në Betejën 2. të Kosovës.
17 tetor 1777 – Forcat amerikane mposhtën trupat britanike në Betejën e Saragotës. Pas kësaj fitoreje, Franca, Spanja dhe Holanda u përfshinë në luftë duke u renditur në krah të SHBA-së kundër Britanisë.
17 tetor 1933 – Fizikani i shquar, Albert Einstein, u largua nga Gjermania Naziste dhe emigroi në Shtetet e Bashkuara të Amerikës.
17 tetor 1938 – I sëmurë rëndë, Mustafa Kemal Ataturku ra për herë të parë në gjendje kome. Qeveria turke publikoi komunikatën e parë zyrtare mbi shëndetin e Ataturkut.
17 tetor 1961 – Policia franceze sulmoi algjerianët që protestonin në Paris për pavarësinë e vendit të tyre. Në këtë ngjarje që hyri në histori si “Masakra e Parisit”, u vranë 400 algjerianë. Kufomat e disa protestuesve u nxorën nga lumi Senë.
17 tetor 1973 – Shpërtheu kriza globale e naftës. Organizata e Vendeve Eksportuese të Naftës (OPEC) filloi embargon e arit të zi ndaj disa shteteve perëndimore me justifikimin se po ndihmonin Izraelin në luftën e tij kundër Sirisë. Plot 10 shtete arabe rritën çmimet e naftës me 70 për qind dhe vendosën që të reduktojnë prodhimin e saj me 5 për qind çdo muaj.
17 tetor 2001 – Kryetari i Partisë së Unitetit Kombëtar të Izraelit, Rehavam Zeevi, një kundërshtar i flaktë i paqes izraelito-palestineze, u vra në një sulm të armatosur, autorësinë e të cilit e mori përsipër Fronti Popullor për Çlirimin e Palestinës (PFLP).
17 tetor 2016 – Ushtria irakiane nisi operacionin për spastrimin e Mosulit nga organizata terroriste DAESH. Në operacion morën pjesë 30.000 trupa.
17 tetor 2018 – Fotografi me famë botërore i Turqisë, Ara Guler, u nda nga jeta në moshën 90-vjeçare.
