5 maj 1821 – Napoleon Bonaparti u nda nga jeta në ishullin e Shën-Helenës, ku jetonte në internim që nga dhjetori i vitit 1815. I konsideruar si një prej strategëve më të mëdhenj të historisë së njerëzimit, perandori francez ka dominuar skenën politike evropiane për më shumë se një dekadë.
5 maj 1949 – Traktati i Londrës, nënshkruar nga Mbretëria e Bashkuar, Franca, Belgjika, Holanda, Danimarka, Irlanda, Suedia, Italia, Luksemburgu dhe Norvegjia, themeloi Këshillin e Evropës me seli në Strasburg. Institucioni i parë që punon për integrimin evropian, numëron sot 47 shtete anëtare. Turqia gëzon statusin e vendit “anëtar themelues” duke qenë se është ndër shtetet e para që i është bashkuar Këshillit të Evropës, një prej organeve kryesore të së cilit është Gjykata Evropiane e të Drejtave të Njeriut.
5 maj 1968 – Arrestimi në Francë i 6 studentëve që protestonin Shtetet e Bashkuara të Amerikës për Luftën e Vietnamit, nxiti shpërthimin e një revolte studentore në Paris. Rreth 30.000 studentë gati sa nuk bënë një revolucion duke ngritur barrikada në zona të ndryshme të kryeqytetit francez.
