Pas 14 viteve punë, më në fund është dhënë aprovimi për fluturime testuese të veturës së parë në botë fluturuese me 3 rrota e njohur si Switchblade.
I dizajnuar dhe zhvilluar nga Samson Sky, prototipi i veturës që mund të fluturojë me një shpejtësi prej 322 kilometra në orë, është dizajnuar për të qenë një mjet motorik për qëllime të ndryshme.
Derisa është në tokë, Switchblade lëvizë sikurse një veturë falë 3 rrotave, ka një gjatësi prej 5.1 metrave dhe është 1.8 metra i gjerë dhe mund të parkohet pa ndonjë problem në garazh të veturave.
Në momentin që arrin në aeroport, krahët i hapen sikurse edhe bishti dhe i tërë procesi zgjatë vetëm 3 minuta duke i lejuar veturës të ngritet në qiell.
Muajin e kaluar Switchblade ka marrë aprovimin nga Administrata Federale Aviacionit Civil dhe Qeveria amerikane, që të fillojë procesin e testimit, përcjell Alsat mk.
Sipas kompanisë me seli në Oregon, 2.100 persona nga 52 vende dhe 50 tjera brenda SHBA-ve, tashmë kanë rezervuar këtë veturë, e cila pas miratimit për fillimin e testimit pritet të fillojë edhe prodhimin serik. Çdo Switchblade do të kushtoj 170 mijë dollarë.
