Kryetari i Aleancës për Ardhmërinë e Kosovës, Ramush Haradinaj, të mërkurën bëri homazhe pranë memorialit të djalit të ndjerë të presidentit Joe Biden, Beau Biden, duke thënë se ai i shërbeu në Kosovë në mbrojtje të lirisë e demokracisë, përcjell InLajmi.
Haradinaj duke kujtuar shërbimin e Biden, tha se do të jetë gjithmonë pjesë e kujtesës së Kosovës.
Gjithashtu, kreu i AAK-së, shtoi se është mirënjohës ndaj secilit amerikan që ka shërbyer për Republikën e Kosovës.
Haradinaj shprehet falënderues SHBA-së dhe lidershipit të saj për paqe në Ballkan.
Postimi i plotë i tij:
Beau Biden shërbeu në mbrojtje të lirisë dhe demokracisë, vlera të përbashkëta të Kosovës dhe Shteteve të Bashkuara të Amerikës.
Duke nderuar sot shërbimin e tij në ofrimin e paqes dhe lirisë për vendin tonë, Beau do të jetë gjithmonë pjesë e kujtesës historike të Republikës së Kosovës.
Jemi përgjithmonë mirënjohës ndaj secilit amerikan që ka shërbyer në Kosovë, falënderues Shteteve të Bashkuara të Amerikës dhe lidershipit të Presidentit Biden drejtë paqes dhe prosperitetit në Ballkan. /InLajmi/
