Ministri i Mbrojtjes, Armend Mehaj ka marrë pjesë në ceremoninë e emërimit në detyrën e Shefit të ri të Shtabit të Forcave të Armatosura të Shqipërisë, Gjeneral Brigade Arben Kingji, përcjell InLajmi.
Mehaj është shprehur i bindur Forcat e Armatosura të Republikës së Shqipërisë do të shënojnë arritje të larta nën drejtimin e Kingjit.
Ministri Mehaj, tha se shefit të ri të Forcave të armatosura shqiptare i ka premtuar mbështetje të plotë nga FSK-ja, në arritjen e synimeve për forcimin e sigurisë ruajtjen e paqes e stabilitetit gjithandej në vend e rajon.
ka premtuar bashkëpunim të tha se është siguruar se do të ketë bashkëpunim të mirë mes Ministrisë së Mbrojtjes dhe Forcës së Sigurisë së Kosovës.
Postimi i plotë i tij:
Sot me ftesën e Ministrit të Mbrojtjes së Republikës së Shqipërisë, Niko Peleshi, mora pjesë në ceremoninë e emërimit në detyrën e Shefit të ri të Shtabit të Forcave të Armatosura, Gjeneral Brigade Arben Kingji.
Duke e njohur mirë përgatitjen e tij, gatishmërinë dhe vullnetin për t’i shërbyer atdheut, jam i bindur që Forcat e Armatosura të Republikës së Shqipërisë do të shënojnë aritje të larta nën drejtimin e tij profesional, me integritet dhe dinjitet, e cila do të rezultojë më përmbushjen e misionit për garantimin e sigurisë kombëtare.
Nga ana ime e sigurova Kingji që do të ketë bashkëpunimin dhe mbështetjen e pakursyer të Ministrisë së Mbrojtjes dhe Forcës së Sigurisë së Kosovës, duke punuar si një trup i vetëm në mbrojtjen dhe sigurinë kombëtare si dhe sigurinë e stabilitetin rajonal, orientimin tonë në mbështetje të Misioneve të NATO-së, në partneritet të plotë me SHBA-të dhe BE-në. /InLajmi/
