Aktorja amerikane Nichelle Nichols, e njohur më së shumti për rolin e saj në serialin televiziv sci-fi të viteve 1960 “Star Trek”, ka vdekur në moshën 89-vjeçare.
Nichols theu barrierat në rolin e saj si togere Nyota Uhura në serial, duke u bërë një nga aktoret e para me ngjyrë në SHBA që luante një figurë me autoritet.
Ajo u punësua më vonë nga NASA në një përpjekje për të inkurajuar më shumë gra dhe afrikano-amerikanë që të bëhen astronautë.
Ajo vdiq të shtunën mbrëma, tha djali i saj Kyle Johnson.
Johnson tha se:
“Me keqardhje ju informoj se një dritë e madhe në qiell nuk shkëlqen më për ne, siç ka bërë për kaq shumë vite”, shkruan BBC
“Drita e saj sidoqoftë, si galaktikat e lashta që shihen tani për herë të parë, do të mbetet që ne dhe brezat e ardhshëm ta shijojmë, të mësojmë dhe të marrim frymëzim.”, transmeton Kult Plus.
Seriali televiziv “Star Trek” shkatërroi stereotipet në vitet 1960 duke vendosur aktorë me ngjyrë dhe minoritarë në rolet kryesore.