Shqipëri, bien rastet me koronavirus, 233 të infektuar brenda 24 orëve

Ministria e Shëndetësisë në Shqipëri, ka bërë të ditur gjendjen më koronnavirus në vend brenda 24 orëve, përcjell InLajmi.

Rastet me koronavirus kanë rënë ndjeshëm në krahasim me ditët e mëparshme, numri i të infektuarve ditë më parë shkonte mbi 1.000 .

Kështu në 24 orët e fundit nga 606 testime të kryera, pozitiv me koronavirus kanë rezultuar 233 persona.

Ndërsa si pasojë e infektimit me koronavirus 2 persona kanë humbur jetë, veç tjerash janë shëruar 1.044 qytetarë.

Kujtojmë se në Shqipëri janë 8.997 raste aktive me koronavirus.

Njoftimi i plotë nga Ministria e Shëndetësisë:

Rastet pozitive janë shënuar në këto bashki: 78 në Tiranë, 24 në Vlorë, 22 në Librazhd, 13 në Lushnje, 12 në Berat, 11 në Durrës, 10 në Kavajë, nga 8 qytetarë në Divjakë, Sarandë, 7 në Gramsh, 6 në Devoll, 5 në Shkodër, 4 në Lezhë, nga 3 qytetarë në Mallakastër, Delvinë, Tepelenë, nga 2 qytetarë në Malësi e Madhe, Fushë Arrëz, Gjirokastër, Përmet, Pogradec, nga 1 qytetar në Pukë, Kukës, Has, Mirditë, Kolonjë, Prrenjas.

Janë 8.997 qytetarë aktivë me koronavirus në gjithë vendin.

Aktualisht në spitalin COVID3 po marrin trajtim 32 pacientë.

Në 24 orët e fundit ka dy humbje jete me Sars-Cov2: një qytetar nga Tirana 66 vjeç, një qytetar nga Durrësi 81 vjeç.

Janë shëruar 1.044 qytetarë gjatë 24 orëve të fundit, duke e çuar numrin e të shëruarve në 292.597 që nga fillimi i epidemisë.

Statistika (25 Korrik 2022)

Raste të reja ditore 233

Të shëruar në 24 orë 1044

Të shtruar në spitale 32

Humbje jete në 24 orë 2

Testime ditore 606

Testime totale 1.903.035

Raste pozitive 305.123