Kryeministri i Republikës së Kosovës, Albin Kurti, ka përkujtuar shpalljen e Deklaratës Kushtetuese, ku sipas tij me 2 korrik të vitit 1990 triumfoi legjitimiteti popullor për vullnetin qytetar mbi legalitetin shtypës të Serbisë, përcjell InLajmi.
Në këtë 32 vjetor Kurti shtoi se përmes Deklaratës Kushtetuese u shpall Republika e Parë e Kosovës.
Ku veç tjerash ka përpemndur edhe Parullën kryesore në demonstratat e studentëve dhe punëtorëve në mars e prill 1981, pat qenë: Kosova Republikë.
Postimi i plotë i tij:
Në ditën e sotme, më 2 korrik të vitit 1990, përmes Deklaratës Kushtetuese u shpall Republika e Parë e Kosovës. (Parulla kryesore në demonstratat e studentëve dhe punëtorëve në mars e prill 1981, pat qenë: Kosova Republikë!)
Në kushtet e represionit të pushtetit të Serbisë, delegatët u mblodhën jashtë dyerve të Kuvendit, meqë nuk lejoheshin të hynin brenda.
32 vite më parë triumfoi legjitimiteti popullor i vullnetit qytetar mbi legalitetin shtypës të Serbisë.
Deklarata Kushtetuese u nënshkrua prej 114 delegatëve nga shumica shqiptare e pakicat boshnjake e turke. Kjo deklaratë ishte akt i vetëvendosjes politike dhe artikulim i qartë i vizionit e vullnetit politik të qytetarëve dhe të institucioneve të Kosovës për liri, demokraci dhe pavarësi. Që ky vullnet të bëhet realitet u bënë shumë sakrifica e flijime, shumë punë e angazhim.
Me krenari e respekt kujtojmë delegatët nënshkrues, ata që janë mes nesh dhe ata në përjetësi. I paharrueshëm është kujtimi për ta dhe veprën e tyre. /InLajmi/
