Ish-kryeministri i Kosovës, Avdullah Hoti, ka publikuar një grafikë ku shihet se sa qytetarë janë larguar nga Kosova gjatë vitit 2021, përcjell InLajmi.
Hoti ka thënë se duhet të bëhet më shumë nga ana e qeverisë që të zvogëlohet numri i emigrantëve nga Kosova.
Gjithashtu ai tha se janë gjithsej 42. 728 persona, apo 2.4% e popullsisë gjatë vitit 2021.
Postimi i plotë i tij:
42,728 persona, apo 2.4% e popullsisë, kanë emigruar gjatë vitit 2021.
Duhet të bëjmë më shumë për të zvogëluar këtë trend. Tendenca për të emigruar ekziston në të gjitha vendet në rajon, por në rastin tonë përmasat janë të mëdha dhe në rritje nga viti në vit. Duke qenë se këta persona janë pjesa më reproduktive e popullsisë, në afat të gjatë kjo shkallë e emigrimit do të shkaktojë ulje drastike, jo të natyrshme, të trendit të natalitetit në vitet dhe dekadat e ardhshme. /InLajmi/
