Shefi i grupit parlamentar të Partisë Demokratike të Kosovës, Abelard Tahiri ka folur në seancë plenare të së ënjtjes për krizën ekonomike në Kosovë, raporton InLajmi.
“Ne jemi të vetëdijshëm se si ka ardhur te kjo rritje e çmimeve. Qeverinë e kritikojmë dhe akuzojmë për neglizhencë dhe mos angazhim. PDK-ja në mars kishte sjellë projektligjin për TVSH-në ku kemi propozuar që tatimi për produktet bazë të ulet nga 18 në 8 për qind. Sot jemi në një situatë krejt tjetër, që jo të reduktohet, por edhe të hiqet krejt TVSH-ja për këto produkte për një periudhë 6 mujore”, ka thënë Tahiri.
Abelard Tahiri ka thënë se PDK-ja në mars kishte sjellë projektligjin për TVSH-në.
“Qytetarët kërkojnë ndërhyrjen dhe angazhimin direkt të Qeverisë Kosovës. Një pjesë e madhe e qytetarëve që jetojnë në zonën kufitare me Maqedoninë, kalojnë në Maqedoni për tu furnizuar me derivate. Kjo është e tmerrshme për neve, për shkak të uljes se akcizës në këto produkte. Rishikojeni çështjen e akcizës dhe tatimin në vlerën e shtuar në naftë”, tha Tahiri.
Tutje Tahiri tha se qytetarët kërkojnë ndërhyrjen dhe angazhimin direkt të Qeverisë Kosovës.
“Rishikojeni, hiqeni fare tatimin në vlerën e shtuar, të paktën për një periudhë të caktuar, se kjo krizë nuk do jetë gjithmonë”, tha ai./InLajmi/
