Numri i njerëzve të vrarë në një sulm me raketa në një qendër tregtare në qytetin qendror të Ukrainës Kremenchuk është rritur në 18, tha një zyrtar rajonal të martën, ndërsa operacionet e kërkim-shpëtimit vazhdojnë, transmeton InLajmi.
Dmytro Lunin, kreu i administratës ushtarake të rajonit të Poltava, tha se shpëtimtarët vazhduan të punojnë në vend.
“36 persona të tjerë janë të zhdukur. Ne vazhdojmë kërkimin,” tha Lunin.
Qindra njerëz kishin qenë në qendrën tregtare minuta para sulmit, për të cilin zyrtarët ukrainas thonë se ishte nga një raketë ruse KH-22. KH-22 mund të mbajë një kokë lufte shpërthyese që peshon deri në 1 ton (2240 paund).
“Çmontimi i strukturave të ndërtesave të dëmtuara po vazhdon me ndihmën e pajisjeve të rënda inxhinierike dhe makinerive të vogla,” tha Lunin.
Ai shtoi se 25 persona u pranuan në kujdesin intensiv në spitalin në Kremenchuk, shkruan CNN.
“Më shumë se një mijë njerëz punuan gjatë gjithë natës – shpëtimtarë, policë, mjekë dhe vullnetarë,” tha ai./InLajmi/
