Dua Lipa është paditur për shkelje të së drejtës së autorit pasi ka postuar në llogarinë e saj në Instagram fotografi të saj të bëra nga paparacët, transmeton InLajmi.
Robert Barbera, një fotograf me qendër në New York, me sa duket është duke ndërmarrë veprime ligjore kundër këngëtares së hitit “Future Nostalgia”, sipas dokumenteve gjyqësore të paraqitura në Gjykatën e Qarkut të SHBA në shtetin e Kalifornisë.
Ai pretendon se postimi i fotove nga Dua që ai i bëri asaj në vitin 2018 përbën shkelje të së drejtës së tij të autorit, shkruan Rolling Stone.
“Pa leje ose autorizim nga paditësi, i pandehuri përzgjodhi, kopjoi, ruajti dhe shfaqi vullnetarisht secilën nga fotografitë e mbrojtura nga e drejta e autorit të paditësit,” thuhet në ankesë. /InLajmi/
