Të mërkurën ka ndërruar jetë në moshën 62-vjeçare autori i njohur Xhevdet Bajraj, përcjell InLajmi.
Lidhur me këtë, Kryeministri i Kosovës, Albin Kurti, ka ndarë disa fotografi me të ndjerin Bajra, ku ka thënë se mbrëmë qiellit të errët ju është bashkuar edhe një yll më shumë.
Gjithashtu Kurti u shpreh se autori do të qëndroj gjithmonë dhe se nuk do të shuhet kurrë.
Postimi i plotë i tij:
Poeti më i madh i gjallë i Kosovës nuk rron më. Mbrëmë qielli i errët kishte një yll më shumë. Shkëlqimi midis nesh është xixa sipër nesh.
Teksa shkruaj me mall e dhembje, përkulem t’i lexoj titujt që qëndrojnë vertikalisht në bibliotekën time: Copa ime e qiellit, Vitet qe nuk e sollën pranverën, Lëngu i trëndafilave, Liria e tmerrit, Ca Kokrra Rrushi të Rahovecit, Vrasja e Mushkonjës, Kur qajnë hardhitë, Kafe me Nënën, Me Zemër në Qese Najloni, Burri që lozte me engjëj…
Xhevdet Bajraj do të rrojë gjithmonë, porsi një yll që nuk shuhet kurrë. /InLajmi/
