Gjermania thotë se do të marrë masa urgjente për të garantuar furnizimin me energji në rast se Rusia ndërpret më tej ose ndalon furnizimet e saj me gaz, transmeton InLajmi.
Kjo do të përfshijë rritjen e përdorimit të qymyrit, thotë qeveria.
“Për të reduktuar konsumin e gazit, duhet të përdoret më pak gaz për të prodhuar energji elektrike. Termocentralet me qymyr do të duhet të përdoren më shumë në vend të tyre,” tha Ministria e Ekonomisë.
“Është e hidhur, por e domosdoshme për reduktimin e konsumit të gazit,” tha Habeck në deklaratë.
Berlini po propozon të vërë në dispozicion 15 miliardë euro (15.8 miliardë dollarë) për të mbushur objektet e magazinimit, një kërkesë kryesore për dimrin e ardhshëm, sipas raporteve të shtypit gjerman.
Masa të tjera përfshijnë shkurtimin e përdorimit të gazit në industri dhe prodhimin e energjisë, shkruan BBC.
Masa vjen pas një paralajmërimi nga gjigandi rus energjetik Gazprom javën e kaluar se do të shkurtonte ndjeshëm dërgesat në Evropë dhe gjysmën e furnizimit të tij në Gjermani. /InLajmi/
