Deputeti shqiptar në Kuvendin e Serbisë, Shaip Kamberi në kuadër të Ditës së Çlirimit ka uruar që Kosova të ketë zhvillim të shpejtë dhe trajtim të barabartë për të gjithë qytetarët e saj, përcjell InLajmi.
Kamberi tha se 23 vite më parë çlirimi i Kosovës ka qenë ëndërr, duke shtuar se fëmijët e atëhershëm që vraponin kolonave që dëboheshin me dhunë, sot janë shndërruar në zot shtëpije, udhëheqës shteti dhe shpresë për rrugëtimin e drejtë të Kosovës.
Deputeti theksoi se 12 Qershori i vitit 1999 do të mbetet përherë vit i çlirimit të Kosovës dhe ditëlindje e miqësisë së shqiptarëve me popujt liridashës, të cilët e ndihmuan dhe përkrahen ndalimin e agresionit dhe terrorit që padrejtësisht zhvillohej në Kosovë.
Postimi i plotë i tij:
Çlirimi i Kosovës 23 vite më parë ëndërr e çdo shqiptari e fund i terrorit ndaj një kombi të pafajshëm
23 vite më parë ndodhi përfundimisht çlirimi i Kosovës dhe u hap rruga për pavarsi dhe për Kosovën shtet të pavarur dhe sovran.
Sot, 23 vite më vonë, fëmijët e atëhershëm të kolonava që me dhunë dëboheshin nga shtëpitë e tyre janë shndrruar në zot shpie, udhëheqës shteti e shpresë për rrugëtimin e drejtë të Kosovës.
12 Qershori i vitit 1999 do të mbetet përherë vit i çlirimit të Kosovës dhe ditëlindje e miqësisë së shqiptarëve me popujt liridashës të cilët e ndihmuan dhe përkrahen ndalimin e agresionit dhe terrorit që padrejtësisht zhvillohej në Kosovë.
Uroj që agresionet e tilla të mos përsëritet askund dhe asnjëherë, duke i uruar Kosovës zhvillim të shpejtë e trajtim të barabart për të gjithë qytetarët e saj. /InLajmi/
