Instituti i Kosovës për Drejtësi me përkrahje të Departamentit të Shtetit Amerikan të Byrosë për Çështje të Narkotikëve Ndërkombëtarë dhe Zbatimit të Ligjit, ka mbajtur konferencë për media, raporton InLajmi.
Hulumtuesi nga Instituti i Kosovës për Drejtësi, Lavdim Makshana, tha se KGJK gjatë viti 2021 ka shënuar progres lidhur me miratimin e legjislacionit sekondar.
“KGJK gjatë viti 2021 ka shënuar progres lidhur me miratimin e legjislacionit sekondar, mirëpo regres ka shënuar në miratimin e akteve normative kryesisht me ato që i ka parapa me planin e saj të punës. Fenomen negativ ka qenë mos miratimi i akteve nënligjore të parapara që devijojnë nga ligji për KGJK dhe ligji për gjykatat”, tha ai.
Gjithashtu Makshana ka thënë se këtë e kanë dëshmuar 520 kërkesa nga IKD në KGJK.
“Sa i përket transparencës mund të thuhet se po ashtu edhe në tërësi sistemi gjyqësor çalon shumë. Këtë e dëshmojnë 520 kërkesa të adresuara nga IKD në KGJK dhe gjykata dhe vetëm 258 prej tyre janë kthyer pozitive, në disa raste s’ka pas përgjigje fare”,
Ai njoftoi se nga 29 takime të mbajtura nga këshilli janë nxjerr 431 vendime, ndërsa janë publikuar 418 përfshirë edhe ato disiplinore. /InLajmi/
