Pretendimet e bëra nga Rusia se forcat ruse kanë marrë kontrollin e fabrikës së çelikut Azovstal u vërtetuan pas konfirmimit të palës ukrainase nga presidenti i Ukrainës, transmeton InLajmi.
Presidenti ukrainas Volodymyr Zelensky ka thënë se luftëtarëve të Azovstal iu dha një sinjal i qartë për të dalë dhe për të shpëtuar jetën e tyre, pas pretendimeve të ushtrisë ruse që ata ishin dorëzuar.
“Sot djemtë morën një sinjal të qartë nga komanda ushtarake se ata mund të dalin dhe të shpëtojnë jetën e tyre”, tha Zelensky, shkruan BBC.
Ministria ruse e mbrojtjes tha se grupi i fundit i mbrojtësve të regjimentit Azov, një grup prej 531 personash, u dorëzua sot, duke shtuar se që nga 16 maji, 1,439 ushtarakë ukrainas kishin dorëzuar armët./InLajmi/
