Duke u larguar për një moment nga fabrika e çelikut Azovstal, Pentagoni thotë se nuk ka asnjë indikacion se Rusia ka përdorur armë laser në fushëbetejë në Ukrainë, pas pretendimeve nga Moska se po krijonte një brez të ri laserësh të fuqishëm, për të goditur dronët e armikut, transmeton InLajmi.
“Ne nuk kemi asnjë indikacion për përdorimin e laserëve, të paktën të laserëve të armatosur, në Ukrainë. Asgjë për të konfirmuar për këtë,” tha zëdhënësi i Pentagonit, John Kirby, në një konferencë shtypi.
Yury Borisov, zëvendëskryeministri rus i ngarkuar për zhvillimin ushtarak, tha për mediat lokale se një prototip laser i quajtur Zadira ishte duke u vendosur në Ukrainë dhe kishte djegur një dron ukrainas brenda5 sekondave në një distancë prej 5 km.
Kjo ishte si shtesë e një sistemi të mëparshëm laser të quajtur Peresvet, i quajtur sipas një murgu luftëtar ortodoks mesjetar, i cili mund të përdoret për të verbuar satelitët që orbitojnë lart mbi Tokë dhe për t’i parandaluar ata të mbledhin informacion, shkruan BBC.
Presidenti ukrainas Volodymyr Zelensky u tall me pretendimin rus, duke e krahasuar atë me të ashtuquajturat “armë të mrekullueshme”, që Gjermania naziste pretendonte se po zhvillonte gjatë Luftës së Dytë Botërore./InLajmi/
