Lama tha se influenca e Rusisë në Këshillin e Evropës ka qenë aq e madhe sa që e ka penguar Kosovën të jetë anëtare e saj.
“Anëtarësimi i Kosovës në Këshillin e Evropës, jo vetëm që është goditje për Serbinë, mbi të gjitha është goditje për Rusinë. Sepse influenca e Rusisë në KiE ka qenë aq e madhe sa që e ka penguar Kosovën të jetë anëtare”, tha ajo.
Sipas saj, Kosova do të duhej të këmbëngulte fuqishëm që ta pranonte raportin e Dick Martyt, apo themelimin e Gjykatës Speciale me kusht që të bëhej anëtare e KiE, shkruan Tëvë1.
“Dhe madje edhe në rastin e raportit të Dick Martyt, ky është një momentum që Kosova do të duhej të këmbëngulte fuqishëm që ta pranonte atë raport ose themelimin e Gjykatës speciale me kushtin që të bëhej anëtare e KiE. Do të duhej të ishte shfrytëzuar atëherë por edhe tani”, deklaroi Lama.
